اسلام آباد (خطاب نیوز) — وفاقی ادارہ شماریات نے مہنگائی سے متعلق ماہانہ رپورٹ جاری کر دی ہے، جس کے مطابق اگست 2026 کے مقابلے میں ستمبر 2026 کے دوران ملک میں مہنگائی میں ماہانہ بنیاد پر ایک عشاریہ ستائیس فیصد اضافہ ریکارڈ کیا گیا، جبکہ ستمبر کے مہینے میں مہنگائی کی سالانہ شرح دس عشاریہ چھبیس فیصد رہی۔
ادارہ شماریات کی رپورٹ کے اعداد و شمار کے مطابق جولائی تا ستمبر 2026 کے دوران ملک میں اوسط مہنگائی دس عشاریہ بیس فیصد رہی، جبکہ اس سے قبل اگست 2026 میں مہنگائی کی سالانہ شرح گیارہ عشاریہ پندرہ فیصد ریکارڈ کی گئی تھی۔ رپورٹ میں بتایا گیا ہے کہ ستمبر کے دوران دیہی علاقوں میں مہنگائی ماہانہ بنیاد پر ایک عشاریہ تئیس فیصد بڑھی جبکہ شہری علاقوں میں ماہانہ مہنگائی میں ایک عشاریہ اکتیس فیصد اضافہ ہوا۔
مزید برآں، ستمبر 2026 میں دیہی علاقوں میں مہنگائی کی سالانہ شرح دس عشاریہ سینتالیس فیصد جبکہ شہری علاقوں میں سالانہ مہنگائی دس عشاریہ بارہ فیصد ریکارڈ کی گئی ہے۔ اعداد و شمار سے یہ بھی واضح ہوتا ہے کہ رواں مالی سال کے پہلے سہ ماہی یعنی جولائی تا ستمبر کی تین ماہ کی اوسط مہنگائی بھی دس فیصد سے تجاوز کر گئی ہے۔
