کوئٹہ (خطاب نیوز) 23 ستمبر 2026ء کے موقع پر وزیر اعلیٰ بلوچستان میر سرفراز بگٹی نے پشتون برادری کو پشتون کلچر ڈے کی پرخلوص مبارکباد پیش کی ہے۔ انہوں نے کہا ہے کہ پشتون ثقافت بلوچستان کی تہذیبی شناخت کا ایک اہم اور خوبصورت حصہ ہے۔
وزیر اعلیٰ بلوچستان نے اپنے بیان میں اس بات پر زور دیا کہ پشتون ثقافت میں مہمان نوازی، رواداری، بہادری، بھائی چارہ اور انسان دوستی کی اعلیٰ روایات نمایاں ہیں۔ انہوں نے کہا کہ بلوچستان مختلف اقوام، زبانوں اور ثقافتوں کا حسین امتزاج ہے، اور یہی تنوع صوبے کی اصل خوبصورتی اور قوت ہے۔
میر سرفراز بگٹی کا کہنا تھا کہ پشتون برادری نے بلوچستان کی سماجی، ادبی، سیاسی اور معاشی ترقی میں انتہائی اہم کردار ادا کیا ہے۔ ثقافتی ورثے کا تحفظ نئی نسل کو اپنی تاریخ، اقدار اور شناخت سے جوڑنے کا ایک بہترین ذریعہ ہے، اس لیے تمام ثقافتوں، زبانوں اور روایات کا احترام اور فروغ ہماری مشترکہ ذمہ داری ہے۔ انہوں نے مزید کہا کہ پشتون کلچر ڈے دراصل امن، بھائی چارے، باہمی احترام اور رواداری کے فروغ کا ایک روشن پیغام ہے۔
